Հանուն բարի գործի Բենեդիկտ Քամբերբեթչը պատրաստ է ոչ միայն գլխին սառը ջուր լցնել, այլև մերկանալ, ինչն էլ արել է Give Up Clothes For Good բարեգործական ակցիայի շրջանակներում, գրում է Spletnik.ru-ն:
Սև-սպիտակ լուսանկարում, որն արդեն հայտնվել է համացանցում, Բենեդտիկտը թաց վերնաշապիկով է:
Լուսանկարիչ Ջեյսոն Բելի այս աշխատանքը կարող է տեսնել ցանկացած ոք՝ այցելելով լոնդոնյան La Galleria Pall Mall ցուցահանդես, որը նվիրված է բարեգործական արշավի 10-ամյակին:
Բացի Քամբերբեթչի մասնակցությամբ կադրից, որը կցուցադրվի սեպտեմբերի 16-20-ը, կան նաև այլ հայտնիների լուսանկարներ: Ժամանակին բարեգործական նպատակներով մերկանալ համաձայնել են Քեյթ Ուինսլեթը, Լիամ Նիսոնը, Էլայջա Վուդը, Սինտիա Նիքսոնը, Հյու Բոնեվիլը և շատ այլ աստղեր:
Անցած տասը տարիներին բարեգործական ակցիայի հավաքած գումարներն ուղղվել են քաղցկեղի ուսումնասիրության նորարարական մեթոդներին:
