Եվրոպայի Կենտրոնական բանկը (ԵԿԲ), որը շուտով կստանա եվրոգոտու բանկերի նկատմամբ վերահսկողությունը, կոչ է արել ինքնահանգստության չտրվել, չնայած ֆինանսական շուկաներում վիճակի բարելավման առաջին նշաններին:
Նա եվրոգոտու երկրների կառավարություններին կոչ է արել շարունակել բարեփոխումները, տեղեկացնում է Reuters-ը:
Ինչպես տեղեկացրել են ԵԿԲ-ում, կարգավորողին եվրոգոտու բանկերին վերահսկելու լիազորություններ տալը շատ կարևոր է, որպեսզի ֆինանսական ինստիտուտներն ավելի կայուն դառնան:
Սակայն պահանջվում է ձեռնարկել ճգնաժամի վերսկսումը կանխող այլ միջոցներ: «Իրավիճակը դեռ շատ անկայուն է»,- ասել է ԵԿԲ-ի փոխնախագահ Բիտոր Կոնստանսիուն:
«Ֆինանսական կայունության համար հիմնական ռիսկերը դեռ պահպանվում են, և դեռ ինքնահանգստության ժամանակը չէ»,- ասվում է նրա զեկույցում:
Հիմնական ռիսկերի շարքին են պատկանում ճգնաժամի սաստկացումը, եթե կառավարություններին չհաջողվի իրականացնել բարեփոխումները, կավելանան բանկերի և հետագա ֆինանսավորման հետ կապված խնդիրները:
