Թուրքական Cihan լրատվական գործակալության փոխանցմամբ՝ Թուրքիայի նախկին վարչապետ (1991, 1996, 1997-1999) Մեսութ Յըլմազը լրագրողներ հետ զրույցում մեկնաբանել է Թուրքիայի 8–րդ նախագահ (1989-1993) Թուրգութ Օզալի թունավորման մասին լուրերը: Նա հայտարարել է, որ հակված չէ նրան, թե Թուրգութ Օզալին թունավորել են.
«Կարծում եմ, որ նա մահացել է իր մահով: Սակայն եթե կան կասկածներ, բնականաբար, պետք է տարվի հետաքննություն: Որքան ինձ հայտնի է, հետաքննությունը ոչ մի բանի չի հանգեցրել: Ես հանգուցյալ Օզալին տեսել եմ, երբ նա վերադարձել է իր արտասահմանյան վերջին այցից:
Նա իրեն լավ չէր զգում: Դրա համար էլ, որքան որ ցավալի էր ինձ համար նրա մահվան մասին լուրը, այնուամենայնիվ, այն անակնկալ չէր ինձ համար: Ես կարծում եմ, որ այդ բոլոր կասկածները տեղին չեն»:
Հիշեցնենք, որ Թուրքիայի 9-րդ նախագահ (1993-2000) Սուլեյման Դեմիրելը նույնպես հայտարարել է, թե Թուրգութ Օզալը մահացել է իր բնական մահով:
