Բեյոնսեին կասկածում են այն բանում, որ նա չափազանց ակնհայտ է տարված ֆոտոշոփով՝ հայտնում է spletnik.ru-ն: Instagram-ում նրա էջին հետևողները քննադատություններով տառացիորեն հարձակվել են երգչուհու վրա, երբ Բեյոնսեն այնտեղ տեղադրել է լուսանկար, որում հեշտ է եղել ինչ-որ տարօրինակ բան նկատելը:
Արև, գլխարկ, մուգ ակնոց, Բեյոնսե… Ու ոչ մի տարօրինակ բան չկար՝ բացի բաժակից ու երգչուհու առաջ դրված հեռախոսից:
Daily Mail թերթի խմբագրությունն արդեն «հետաքննությանը» ընդգրկել է համակարգչային գրաֆիկայի փորձագետներին:
Նրանցից մեկը հաստատել է, որ լուսանկարը մշակված է, սակայն նշել է. «Հնարավոր է, դա արվել է ոչ թե այն պատճառով, որ Բեյոնսեի ոտքը ավելի սլացիկ դարձվի, այլ որ մաքրվի հեռախոսի մոտ դրված ինչ-որ իր:
Մյուս փորձագետներն ընդհանրապես վստահ չեն, որ այդտեղ օգտագործվել է ֆոտոշոփ: Նրանց կարծիքով՝ նման էֆեկտ կարող էր տալ օբյեկտիվում հայտնված վառ լույսը:
Ի դեպ, այդ ամենը չի խանգարել աստղին 3 օրում հավաքել ավելի քան 820 հազար like:
