Շատերն անհամբերությամբ սպասում են, թե երբ է Apple ընկերությունը ներկայացնելու իր iPhone 6 սմարթֆոնը: Սակայն, դրա թողարկումից շատ առաջ Չինաստանում հայտնվել է այդ սարքավորման կլոնը, որը ոչ միայն կրկնում է սարքավորման արտաքին տեսքը, այլև դրա հետ մեկտեղ տրամադրվում է Apple-ի ականջակալների նմանակն ու lightning լարը, գրում է mirfactov.com-ը:
Սարքավորման կաղապարի վրա գրառված է Designed by Apple in California, assembled in China, ինչպես և Apple-ի բոլոր սարքավորումների վրա: Այսօր այն ցուցադրվել է տեսանյութում:
Սարքավորումն աշխատում է Android 4.2.2-ով և կրկնում է iOS 7 ինտերֆեյսը: Այն մարդու խոսքերով, ում ձեռքերում հայտնվել է Չինաստանում գնված iPhone 6-ի կլոնը, շարքային օգտագործողը չի կարող պատճենը օրիգինալից տարբերել: Չնայած, որ «Տուն» կոճակը այնքան էլ հաջող չէ տեղադրված, սակայն հավաքման որակը գերազանցում է բոլոր սպասելիքները:
