Հայտնի Top Gear շոուի հատուկ թողարկումը, որում հաղորդավար Ջերեմի Քլարքսոնն իրեն ռասիստական կատակ է թույլ տվել, խախտել է հեռարձակման կանոնները. այսպես է որոշել Ofcom բրիտանական հեռուստառադիոկարգավորողը: Այս մասին հայտնում է BBC-ի ռուսական ծառայությունը:
Խոսքը Բիրմայում (Մյանմա) նկարահանված հաղորդման մասին է, որի ընթացքում մի պահ հաղորդավարները նայել են Կվայ գետի վրայով կառուցված կամրջին, երբ դրա վրայով անցնելիս է եղել տեղի բնակիչ:
Քլարքսոնն ասել է. «Սա հանդիսավոր պահ է: Բայց այնտեղ զառիվայր կա» (That is a proud moment. But there’s a slope on it):
Անգլերենում slope բառը, որը նշանակում է զառիվայր կամ թեքություն, կարող է նաև ունենալ բառի կոպիտ՝ «ասիացի» նշանակությունը:
Ofcom-ը, դիտարկելով ծրագրից երկու հեռուստադիտողների բողոքները, որոշել է, որ այդ բառը տվյալ կոնտեքստում վիրավորական է:
Top Gear-ի պրոդյուսեր Էնդի Ուիլյամն ավելի վաղ նշել է, որ դա եղել է «բառերի ուրախ խաղ՝ վերաբերող ինչպես կամրջի որակին, այնպես էլ ասիացի տղամարդուն, որն այն անցնելիս է եղել»:
