Air Algerie ընկերության հինգշաբթի վթարի ենթարկված օդանավի բեկորները գտնվել են Մալիի հյուսիս-արևելքում, հաղորդում է Fox News հեռուստաալիքը՝ հղում անելով Ֆրանսիայի պաշտպանության նախարարությանը։
Հաղորդվում է, որ Ֆրանսիայի ռազմաօդային ուժերի՝ որոնումներին մասնակցող կործանիչները գտել են օդանավի աղետի վայրը։ Ջախջախված ինքնաթիռի բեկորները գտնվում են Մալիի հյուսիսարևելյան Գաո քաղաքի շրջակայքում։
Ավելի վաղ հաղորդվել էր, որ Air Algerie -ի ինքնաթիռը, որը չվերթ էր կատարում Բուրկինա Ֆասոյից Ալժիր, ջախջախվել է Նիգերիայի մայրաքաղաքի մերձակայքում։
Վերջին տվյալներով, ինքնաթիռում եղել է 116 մարդ, նրանց մեջ եղել են Ուկրաինայի քաղաքացիներ։