ԱՄՆ բանակը Աֆղանստանից 2016-ին գնալուց հետո ստիպված կլինի երկրում թողնել մոտ 5 մլրդ դոլար արժողությամբ ռազմական տեխնիկա և զինատեսակներ: Այս մասին, ինչպես հայտնում է Jane’s-ը, հայտարարել է ԱՄՆ բանակի նյութական ապահովման հրամանատարության ղեկավար, գեներալ Դենիս Վիան: Ընդհանուր առմամբ՝ ԱՄՆ բանակն Աֆղանստանում ունեղել է 15 մլրդ դոլարի ռազմական տեխնիկա:
Վիայի խոսքով՝ ներկայումս զինվորականները զբաղվում են գույքը 3 հիմնական խմբի բաժանելով՝ ԱՄՆ վերադարձի ենթակա, ոչնչացման ենթակա և ավելորդ:
Երրորդ տեսակի մեջ է հայտնվել այն ռազմական տեխնիկան, որի վերադարձն ԱՄՆ չափազանց ծախսատար կլիներ: Զինվորականները կփորձեն վաճառել օգտագործված ավելորդ ռազմական տեխնիկան, սակայն եթե նրանց անհաջողություն սպառնա, ապա մեքենաները կթողնվեն Աֆղանստանում:
Պարտադիր ոչնչացման կամ ԱՄՆ վերադարձի ենթակա կլինի զենքը:
