Մալայզիական Boeing-777 ինքնաթիռի կործանումը կարող է աշխարհում այնպիսի արձագանք առաջացնել, որը հնարավորություն կտա ցրել Ուկրաինայի հակամարտության ընթացքի և տարածաշրջանային անվտանգության վրա դրա ազդեցության վերաբերյալ պատրանքները:
Այս մասին Վարշավայում հայտարարել է Լեհաստանի նախագահ Բրոնիսլավ Կոմորովսկին՝ փոխանցում է ukrinform.ua-ը:
«Աղետի արդյունքը կարող է խորացնել արձագանքը արևմտյան աշխարհում: Կարելի է և պետք է հուսալ, որ քաղաքական որոշ շրջանակներում կցրվի հակամարտության ընթացքի վերաբերյալ պատրանքները»,- հայտարարել է Կոմորովսկին:
Նա ընդգծել է, որ «ռուս անջատողականների կողմից ոկրաինական որոշ տարածքներ անջատելու փորձերը» այնպիսի հետևանքներ ունեն, որոնք զգացվում են «Ռուսաստանի հարևանությունից հեռու գտնվող» շատ երկրներում:
«Այսօր ակնհայտ է, որ դա ոչ միայն Ուկրաինայի խնդիրն է: Ավելին՝ դա ոչ միայն տարածաշրջանային երկրների խնդիրն է, որոնք վճառականորեն են արտահայտվել ռուս-ուկրաինական հակամարտության և ուկրաինական պետությունը ապակայունացնելու փորձերի վերաբերյալ: Այսօր ակնհայտ է, որ այդ խնդիրը գլոբալ է»,- հայտարարել է Կոմորովսկին:
Կոմորովսկին ընդգծել է, որ Լեհաստանը հետագայում էլ կպնդի Ուկրաինայի խնդիրը «աղբյուրը հեռացնելու» միջոցով լուծելու անհրաժեշտությունը: «Կարծում ենք, որ արժե դադարեցնել կրակը, սակայն դա պետք է ուղղորդվի այնպիսի գործողություններով, որոնք թույլ չեն տա Ուկրաինայի քայքայումն ու տարածաշրջանում հակամարտության աղբյուրի պահպանումը»,- փաստել է նա:
