ԱՄՆ պետքարտուղար Հիլարի Քլինթոնը հաստատել է Եվրոպայում, ի հեճուկս Ռուսաստանի դժգոհությունների, հակահրթիռային պաշտպանության համակարգերի տեղադրման ԱՄՆ–ի մտադրությունները:
«Մենք տեղակայում ենք ռադարը Թուրքիայում և մեծացնելու ենք հնարավորությունները: Առաջիկա օրերի ընթացքում ռադարներ կտեղակայենք Ռումինիայում և Լեհաստանում»,- նշել է պետքարտուղարը՝ հանդես գալով ԱՄՆ-ի ու Եվրոպայի հարաբերություններին նվիրված ելույթով:
Ռուսաստանն ու ՆԱՏՕ-ն պայմանավորվել են համագործակցել ԵվրոՀՀՊ ծրագրի շրջանակներում, սակայն բանակցությունները փակուղի են մտել այն բանից հետո, երբ ԱՄՆ-ը հրաժարվել է իրավական փաստեր ներկայացնել, որ այդ համակարգերը ուղղված չեն ռուսական ուժերի դեմ:
