Պետական եկամուտների կոմիտեն համակարգը բարձրակարգ կադրերով համալրելու գործընթացի շրջանակում վերջերս ՊԵԿ-ն մրցույթ էր հայտարարել` միանգամից 71 թափուր աշխատատեղերի համար, հիմնականում տնտեսագիտական, հաշվապահական և իրավաբանական մասնագիտություններով:
ՊԵԿ-ում այսօր ամփոփել են մրցույթի արդյունքները և հաղթողներին շնորհավորել աշխատանքային առաջին օրվա կապակցությամբ: Այսպես, 586 մասնակիցներից հաղթող են ճանաչվել 66-ը, ովքեր նշանակվելու են հարկային ծառայության համապատասխան պաշտոններում: ՊԵԿ նախագահի առաջին տեղակալ Արմեն Ալավերդյանը վստահեցրել է, որ մրցույթի արդյունքում ընտրվել են լավագույնները:
ՊԵԿ-ից «Առաջին լրատվական»-ին հայտնեցին, որ կոմիտեի նոր աշխատակիցներն այսօրվանից աշխատանքի են անցնում Երևանի հարկային և մարզերի տարածքային հարկային տեսչություններում` ընթացիկ հսկողության, տեղեկատվության և վերլուծության, ինչպես նաև իրավաբանական և հարկադիր գանձումների բաժիններում: Ի դեպ, համալրվող աշխատատեղերի զգալի մասը բաժին է ընկել մարզերին:
