Ստեղծագործելու հակում ունեցող դեռահասները սովորաբար թախծոտ են լինում ու դժբախտ են իրենց զգում: Այսպիսի եզրակացության են եկել հետազոտողները՝ թեսթեր անցկացնելով արվեստի բնագավառում սովորող ուսանողների շրջանում:
Նրանք մեծամասամբ առանձնանում են ընկճվածությամբ: Ուսումնասիրություններն անցկացվել են Բոստոնի քոլեջում։ Այս ուսումնական հաստատությունն առաջինն էր, որ արվեստով զբաղվելը կապում էր երիտասարդների մոտ հոգեկան հիվանդությունների առաջացման հետ: Արվեստի հանդեպ հակում ունեցող և՛ տղաները, և՛ աղջիկները ավելի հաճախ են հայտնում ընկճվածության մասին, քան նրանց մյուս հասակակիցները:
Դա չի նշանակում, որ ընկճախտը պարտադիր է նկարիչ, երաժիշտ կամ դերասան դառնալ ցանկացողների համար: Ավելին, գիտնականների նպատակն այն չի եղել, որ ապացուցեն հոգեկան հիվանդությունների կապն արվեստի հետ:
Միաժամանակ պարզվել է, որ այն ուսանողները, ովքեր սպորտով են զբաղվում, ընկճախտից հազվադեպ են բողոքում: Ուսումնասիրողները դեռահասների շրջանում երկարատև ուսումնասիրություններ են անցկացրել: Նրանք 2002, 2004, 2006, 2008 և 2010 թվականներին հետևել են նաև ուսանողներիմասնակցությանն արտաուսումնական միջոցառումներին: Ավելի քան 2000 ուսանողներ պատասխանել են այն հարցերին, թե ինչքան հաճախ են նրանք մասնակցում տարբեր խմբակների և արդյոք զբաղվում են նրանք երաժշտությամբ, նկարչությամբ, երգեցողությամբ և դերասանությամբ: Բացի դրանից, նրանց հարցրել են, թե ինչ ֆիզիկական ծանրաբեռնվածություն ունեն դասերից հետո:
Այսպիսով պարզվել է, որ ինչքան շատ են դեռահասներն արվեստով զբաղվում, այնքան շատ են բողոքում ընկճախտից: Դրա հիմնական պատճառներից են ինքնամփոփ լինելը, հասարակության կողմից չընդունվելը ու ինքն իրեն մեծ ուշադրության արժանացնելը:
