Kickstarter-ը սոցիալական հատկացումներ է փնտրում Electree++ անսովոր նախագծի թողարկման համար: Այն ոչ փոքր արհեստական ծառ է ճապոնական բոնսայ ոճում, որի տերևների փոխարեն արևային մարտկոցներ են: Սարքը կարող է հեշտությամբ վերալիցքավորել ցանկացած շարժական գաջետ, հայտնում է hitech.vesti.ru-ն:
Electrer+-ը սկիզբ է առել 2008-ին որպես ֆրանսիացի դիզայներ Վիվիեն Մյուլլերի կոնցեպտ: Նա փորձել է կյանքի կոչել իր նախագիծն ու սկսել է 370 դոլարանոց սարքի նախնական պատվերներ վերցնել: Արտադրությունը սկսելու համար բավարար միջոցներ հավաքելու համար նա հույս է ունեցել, որ կունենա 400 պատվեր, սակայն ստացել է միայն 200, ուստի ստիպված է եղել հետաձգել իր ծրագրի իրագործումը:
Սակայն Մյուլլերը չի հուսահատվել և շարունակել է կատարելագործել իր ստեղծագործությունը: Նա բարելավել է սարքի դիզայնն ու մեծացրել դրա էներգաարդյունավետությունը: Իր մտահղացման անվանմանը ևս մեկ «+» ավելացնելով` նա նորից փորձում է այն շուկա հանել: Electree++-ն ունի 14,000 մԱժ-անոց մարտկոց (սա բավարար է 9 անգամ iPhone 5 վերալիցքավորելու համար) և 27 արևային մարտկոց ճյուղերի արմատների վրա: Լիովին վերալիցքավորվելու համար սարքը պետք է 36 ժամ մնա լույսի տակ:
Electree++-ն ունի երկու USB-պորտ` մեկը` սմարթֆոնների վերալիցքավորման համար, մյուսը` պլանշետների:
Սարքը հնարավոր է նախապես պատվիրել 199 դոլարով: Նորույթի հեղինակներն ամենաքիչը 1000 նախնական պատվերի հույս ունեն, որոնք 200,000 դոլար կբերեն: Առայժմ նախնական պատվեր է տվել միայն 38 հոգի, սակայն ծրագիրը կտևի ևս 38 օր, այնպես որ, սարքն ունի կյանքի կոչվելու բոլոր հնարավորությունները:
