Քառորդ դար առաջ, երբ The Economist Intelligence Unit-ը առաջին անգամ կազմեց երեխայի ծնվելու համար նպաստավոր երկրների ցանկը, առաջատարը ԱՄՆ-ն էր (1988 թ.): Այժմ այն 16-րդ տեղում է: Աշխարհի քաղաքատնտեսական քարտեզը զգալիորեն փոխվել է: Կանայք, ովքեր պատրաստվում են ծննդաբերել 2013 թվականին, պետք է ծանոթանան երեխաներին լավ ապագա խոստացող երկրների նոր վարկանիշային աղյուսակին:
Ըստ այդմ, առաջին տեղում է եվրոպական տնտեսության անկայունության պատվար Շվեյցարիան: Առաջին տասնյակում եվրոպական երկրները շատ են, սակայն միայն մեկն է մտնում ԵՄ-ի կազմի մեջ՝ Նիդերլանդները: Այն զբաղեցնում է վարկանիշային աղյուսակի 8-րդ տեղը: ԵՄ երկրները երկրորդ և երրորդ տասնյակում են: Երկրորդ տեղում Ավստրալիան է, իսկ նրա հարևաններ Սինգապուրն ու Նոր Զելանդիան գտնվում են աղյուսակի 6-րդ և 7-րդ հորիզոնականներում: 3-րդ, 4-րդ և 5-րդ հորիզոնականները զբաղեցնում են համապատասխանաբար` Նորվեգիան, Շվեդիան և Դանիան:
9-րդ տեղում Կանադան է, իսկ թոփ տասնյակը եզրափակում է Հոնկոնգը:
Իսկ ահա Ռուսաստանում The Economist-ը խորհուրդ չի տալիս ծննդաբերել: Երկիրը 72-րդ տեղում է՝ Սիրիայի և Ինդոնեզիայի միջև:
