ՉԺՀ նախագահ, Չինաստանի կոմունիստական կուսակցության կենտրոնական կոմիտեի գլխավոր քարտուղար Հու Ձինտաոն խոստովանել է, որ երկրի կոմկուսին կոռուպցիան ուտում է, սակայն վստահություն է հայտնել, որ կուսակցությունը կարող է ինքնուրույն «բուժել հիվանդությունն` առանց վիրաբուժական միջամտության»:
Հու Ձինտաոն այս մասին հայտարարել է Պեկինում ընթացող՝ Չինաստանի կոմկուսի 18-րդ համագումարի ժամանակ: Դիտորդները Չինաստանի ներկայիս առաջնորդի խոսքերն ընկալում են որպես քաղաքական կտակ՝ իր հաջորդ Սի Ցզինպինին:
Խոսելով կուսակցությունում առկա կոռուպցիայի մասին՝ Հու Ձինտաոն ընդգծել է, որ եթե հնարավոր չլինի հաղթահարել խնդիրը, ապա փլուզումը սպառնում է ոչ միայն Չինաստանի կոմկուսին, այլ նաև ողջ Չինաստանին:
