ՆԱՏՕ-ն կօգնի Ուզբեկստանին ռազմական բարեփոխում անցկացնել: Այս մասին podrobno.uz-ի հետ հարցազրույցում ասել է Կովկասի և Կենտրոնական Ասիայի հարցերով դաշինքի գլխավոր քարտուղարի հատուկ ներկայացուցիչ Ջեյմս Ապատուրայը:
Նրա խոսքով՝ բարեփոխման շրջանակում կարդիականացվեն երկրի պաշտպանական կառույցները, կկատարելագործվի ռազմական կրթության համակարգը: Ուզբեկ զինվորականներին կառաջարկվի նաև այցելել դաշինքի կողմից կազմակերպված՝ ահաբեկչության հակազդման կուրսերի:
Ուզբեկստանի իշխանություններն արդեն ավելի քան 20 տարի համագործակցում են Հյուսիսատլանտյան դաշինքի հետ: 2013-ից Տաշքենդում գործում է ՆԱՏՕ-ի ներկայացուցչություն:
Ուզբեկստանից բացի գրասենյակի պատասխաատվության գոտու մեջ են մտնում Ղազախստանը, Ղրղըզստանը, Տաջիկստանն ու Թուրքմենստանը, որոնց հետ Հյուսիսատլանտյան դաշինքն ամրապնդում է երկխոսությունն ու գործնական համագործակցությունը:
Պատասխանելով ՆԱՏՕ-ի և Միջին Ասիայի պետությունների հետագա համագործակցության մասին հարցին՝ Ապատուրայը նշել է. «ՆԱՏՕ-ն և տարածաշրջանի երկրները պարզապես չեն փոխգործակցում որևէ ռազմական գործողության շրջանակում, մենք առաջին հերթին քաղաքական գործընկերներ ենք և այդպիսին կմնանք»,-ասել է նա:ս
