Իրանի խորհրդարանը հրավիրել է Իրանի նախագահ Մահմուդ Ահմադինեժադին՝ բացատրելու ազգային արժույթի կտրուկ անկման պատճառը: Ինչպես այսօր հաղորդել են տեղի լրատվամիջոցները՝ 77 պատգամավորներ որոշում են ստորագրել, ընդգծելով, որ Ահմադինեժադը չի կարող գլուխ հանել արժութային շուկայի կարգավորումից:
Իրանական ռիալը ամերիկյան դոլարի համեմատ անկում է ապրել վերջին մեկ տարվա ընթացքում, սակայն ամենաէական անկումը գրանցվեց անցած ամիս:
Ստեղծված ֆինանսական իրավիճակի պատճառը պատժամիջոցներն են, որոնք ընդունվել են արևմտյան պետությունների կողմից կապված Իրանի միջուկային ծրագրի հետ:
Իսլամական Հանրապետության արժույթը հոկտեմբերին կորցրել է իր արժեքի գրեթե 40%-ը` համեմատած ամերիկյան դոլարի: Իրանական քաղաքների փողոցներում ընթանում էին մասշտաբային բողոքի ակցիաներ: Որոշ չափով իրավիճակը հնարավոր է եղել կարգավորել դրամական միջոցների ազատ փոխանակման վերացմամբ:
Շաբաթ Իրանում մեկ դոլարը արժեցել է 31 հազար ռիալ, այն դեպքում, երբ անցած տարվա կեսին մեկ դոլարը արժեր գրեթե 11 հզ ռեալ:
