Զբոսաշրջիկների համար ամենավտանգավոր երկրներ են համարվել Պապուա Նոր Գվինեան և Հաիթին, իսկ երրորդ հորիզոնականում է հայտնվել Ադրբեջանը, որին հաջորդում է Եգիպտոսը, ապա` Լաոսը, հաղորդում է TravelVivi.com կայքը:
Վարկանիշային աղյուսակի մեջ հայտնվել են այն երկրները, որոնք ունեն քիչ թե շատ զարգացած զբոսաշրջության ոլորտ:
Ինչպես նշվում է կայքում, Ադրբեջանը ներառվել է զբոսաշրջության համար աշխարհի ամենավտանգավոր երկրների ցուցակի մեջ այն պատճառով, որ այստեղ խոսքի ազատության հետ կապված խնդիրներ կան: Հաշվի է առնվել նաև այն փաստը, որ Ադրբեջանում հազվադեպ չեն կողոպուտի, հարձակումների, էթնիկական ծագման պատճառով ֆիզիկական բռնության դեպքերը:
«Բացի դրանից` Ադրբեջանը հայտնվել է միջազգային ԶԼՄ-ների ուշադրության կենտրոնում մարդասպան Ռամիլ Սաֆարովին ազատելու և ազգային հերոսի կոչում շնորհելու պատճառով»,-ասվում է կայքի մեկնաբանության մեջ:
Ցուցակը կազմողները Եգիպտոսի ընտրությունը պայմանավորել են զանգվածային անկարգություններով և քաղաքի փողոցներում հանցագործության բարձր մակարդակով: Նշվել է, որ Եգիպտոսը, մասնավորապես, վտանգավոր է միայնակ ճանապարհորդող կանանց համար:
