Google ընկերությունը i-սարքավորումների համար գրասենյակային երկու հավելում է թողարկել՝ «Google փաստաթղթեր» և «Google աղյուսակներ», գրում է hitech.vesti.ru-ն: Երկու ծրագրերն էլ հարմարեցված են iPhone սմարթֆոնի և iPad պլանշետի համար: Դրանք անվճար կարելի է ներբեռնել App Store-ից: Տեղադրման համար անհրաժեշտ է 7.0-ից ոչ ցածր iOS-ի տարբերակ:
Հիշեցնենք, որ անցած տարի Apple-ը իր գրասենյակային iWork փաթեթը անվճար էր դարձրել և աշնանից սկսած դրա մեջ տարբեր ֆունկցիաներ էր ներդնում: Իսկ մարտի վերջից, մի քանի տարի սպասելուց հետո, Microsoft-ը վերջապես ադապտացրեց Office iPad-ի համար հավելումների հավաքածուն: Դրա մեջ ներառված են Word տեքստային խմբագիրը, էլեկտրոնային աղյուսակներով աշխատելու Excel ծրագիրը և PowerPoint-ը:
