Ինչպես հաղորդում են բրիտանական ԶԼՄ-ները, Լոնդոնի ոստիկանությունը վաճառում է Բրիտանիայի մայրաքաղաքի կենտրոնում գտնվող իր շենքը:
Լոնդոնի մայրաքաղաքային ոստիկանությունը (London Metropolitan Police), որը ստեղծվել է 19-րդ դարի վերջին, սկզբնապես տեղակայված էր Լոնդոնի նախկին «շոկոլադե» թաղամասի՝ Սքոթլանդ Յարդի շենքում, որը հայտնի է դարձել լոնդոնյան ոստիկանության շնորհիվ: 1967 թ. ոստիկանությունը տեղափոխվել է «Նոր Սքոթլանդ Յարդ» (New Scotland Yard):
Երկրի խոշորագույն ոստիկանական ծառայությունը պետական ծախսերը կրճատելու քաղաքականության շրջանակներում պետք է իր բյուջեն նվազեցնի 500 մլն ֆունտ սթեռլինգով:
Լոնդոնի ոստիկանության ղեկավարի տեղակալ Քրեյգ Մաքքին կրճատումների ծրագիրը ներկայացրել է քաղաքապետ Բորիս Ջոնսոնին: Որպես տնտեսման հնարավոր միջոց՝ դիտարկվում է ոստիկանության տեղափոխումը մեկ այլ՝ չափսերով առավել փոքր շենք: Դա հնարավորություն կտա տնտեսել տարեկան շուրջ 6.5 մլն ֆունտ:
Նախատեսվում է, որ ոստիկանությունը կտեղափոխվի Վիկտորյա սթրիթ, որտեղ գտնվում է Բրիտանիայի խորհրդարանի, Գերագույն դատարանի, և մի շարք նախարարությունների շենքերը:
Ակնկալվում է, որ հավանության դեպքում տեղափոխությունը կտևի մոտ 2 տարի:
