Սիրիայի հեռուստաալիքը հայտարարել է երկրի գործող նախագահի պաշտոնում Սիրիայի նախագահ Բաշար Ասադի թեկնածության առաջադրման մասին, հայտնում է ITAR-TASS-ը:
Սիրիայի խորհրդարանի նիստի ժամանակ խոսնակ Մուհամմադ Ջիհադ Ալ-Լյահամը հայտարարել է, որ Ասադը Սահմանադրական գերագույն դատարան գրանցվելու համար փաստաթղթեր ներկայացրած թվով 7-րդ թեկնածուն է: Ավելի վաղ երկրի Ժողովրդական խորհուրդն ընդունել է նախագահական ընտրություններում 5 տղամարդ և 1 կին թեկնածուի մասնակցությունը:
Նախագահի պաշտոնում Ասադի առաջադրումը համընդհանուր ցնծություն է առաջացրել Դամասկոսում: Սիրիայի հեռուստատեսությունը հայտնում է, որ Ասադը հանրությանը դիմել է «իրենց ուրախությունը բուռն կերպով չարտահայտել, մասնավորապես՝ չդիմել զենքով պայթուցիկների»:
«Նրանք, ովքեր աջակցում են այս կամ այն թեկնածուին, պետք է նախևառաջ ազգային գիտակցություն ցուցաբերեն՝ նշանակված օրն ընտրատեղամասեր գնալով: Սիրիան իր ժամանակակից պատմության մեջ առաջին անգամ նախընտրական քարոզարշավի մթնոլորտ է մտել»,- ասել է Ասադը:
Սիրիայի խորհրդարանի պատգամավորների մեծ մասը համոզված է, որ Ասադը երկրի նախագահի «ամենաարժանի թեկնածուն» է:
Սիրիայի գործող նախագահ Բաշար Ասադը քվեների 97,62%-ով 2007-ի մայիսի 27-ին վերընտրվել է համազգային հանրաքվեի արդյունքում: Նա երկիրը ղեկավարում է 2000 թվականից:
Երկրում նախագահական ընտրությունները նշանակված են հունիսի 3-ին:
