Հելոուինի նախաշեմին Hotels.com պորտալի փորձագետները կազմել են աշխարհի ամենասարսափելի հյուրանոցների վարկանշային աղյուսակը: Առաջին տեղում ամերիկյան Կոլորադո նահանգի Stanley Hotel-ն է: Այդ հյուրանոցից ստացած տպավորությունների ազդեցությամբ Սթիվեն Քինգը գրել է իր հայտնի «Հյուսիսափայլ» վեպը: 1911 թ. այնտեղ մեթան գազի պայթյուն է տեղի ունեցել, ինչի հետևանքով, բարեբախտաբար, նա չի տուժել: 1960 թ. Քինգի մահից հետո հյուրանոցում նկատել են նրա ոուրվականը: Մինչ օրս 217 համարում դեռ լսվում են դռան թակոցներ, ոտնաձայներ և ճիչեր:
Երկրորդ տեղում է Մեծ Բրիտանիայի Selsdon Park Hotel & Golf Club–ը: Համարվում է, որ այն տեսիլքներով «ամենախիտ բնակեցված» բրիտանական հյուրանոցն է: Հանգստացողներն այնտեղ հաճախ են տեսնում պատի միջով անցնող մոխրագույն հանդերձանքով կնոջ: Այս մասին հայտնում է ZagranDom պորտալը:
Երրորդ տեղում Մումբայի The Taj Mahal Palace-ն է, որի տանիքին հաճախ ուրվական է երևում: Ասում են՝ այդ հյուրանոցը կառուցած գլխավոր ինժեների հոգին է:
4-րդ տեղում է Տեխասի The Driskill-ը: Հյուրանոցին լայն ճանաչում են բերել աշխատակազմի պատմություններն այնտեղ ապրող հոգիների մասին:
Հնգյակը եզրափակում է Լոնդոնի The Langham հյուրանոցը: Այնտեղ տեսիլքի հանդիպելու համար պետք է տեղավորվել 333 համարում:
