«Սիրիայի հակամարտությունը դուրս է գալիս մերձավորարևելյան երկրների տարածաշրջանի սահմաններից: Թուրքիայի կողմից գրավված սիրիական ինքնաթիռը միանգամից խաթարեց Վլադիմիր Պուտինի և Ռեջեփ Էրդողանի դաշնակցական հարաբերությունները: Միջադեպը ցույց տվեց, թե որքան խոր սեպ կարողացավ Սիրիան խրել Թուրքիայի և Ռուսաստանի միջև»,- գրում է Der Spiegel-ը:
Համաձայն թուրքական լրատվամիջոցների հաղորդագրությունների` ինքնաթիռի բեռնատար բաժնում հայտնաբերվել է գրեթե 300կգ ռազմական նշանակության բեռ` կապի միջոցներից մինչև տարբեր մասեր, որոնք իբր թե նախատեսված են եղել սիրիական կառավարական զորքերի համար: Ինչպես հայտնի է Ռուսաստանն Իրանի հետ հանդիսանում է Բաշար Ասադի ռեժիմին զենքի կարևորագույն մատակարարը: Ամենաշատը սիրիացիները գնահատում են ռուս մասնագետների կողմից ՀՀՊ համակարգերի ստեղծումը` ասվում է հոդվածում:
«Ռուսաստանի և Թուրքիայի հարաբերությունների սառեցման մեջ մեղավոր են Թուրքիայի քաղաքական նպատակները տարածաշրջանում քաղաքական առաջնորդ դառնալու վերաբերյալ»,- նշվում է հոդվածում:
Նախկինում Պուտինը Էրդողանին համարում էր իր հիմնական դաշնակից Արևմուտքի աճող ազդեցությանը հակակշռելու հարցում:
«Թուրքիային ակնհայտորեն դուր չի գալիս, որ Ռուսաստանը Մերձավոր Արևելքում նոր դաշնակիցներ է փնտրում»,- կարծում է հեղինակը:
