«Ալ-Քաիդա» միջազգային ահաբեկչական ցանցը անցել է «հազարավոր ներարկումների» նոր ռազմավարությանը՝ Եվրոպայում կազմակերպելով անտառային հրդեհներ: Այս մասին, ինչպես հաղորդում է ITAR-TASS-ը, այսօր հայտարարել է Ռուսաստանի Անվտանգության դաշնային բյուրոյի ղեկավար Ալեքսանդր Բորտնիկովը Մոսկվայում բացված հատուկ ծառայությունների ղեկավարների, անվտանգության մարմինների և իրավապահ մարմինների 11-րդ խորհրդակցությանը:
Բորտնիկովը նշել է, որ «Ալ-Քաիդա»-ն ձգտում է մի շարք շրջաններում ներթափանցել իշխանության մարմիններ:
Ընդ որում, նա ընդգծել է, որ «Ալ-Քաիդա»-ի միջուկի համեմատական թուլացումը՝ կապված մի շարք պարագլուխների չեզոքացման հետ, կոմպենսացվում է նրանց կողմից վերահսկվող տարածաշրջանային ահաբեկչական կազմակերպությունների աճող ակտիվությամբ, որոնք օգտագործում են ազգային, կրոնական և էթնիկական հակամարտություններ»:
«Առաջին պլան է դուրս մղվում Մերձավոր Արևելքում և Հյուսիսային Աֆրիկայում ահաբեկչության ակտիվության տարածման սպառնալիքը: Հենց այստեղ մենք նշում ենք, որ միջազգային ահաբեկչական կազմակերպությունները ներքաղաքական հակամարտությունները և առանձին վերցրած պետությունների հմտորեն օգտագործում են իրենց քաղաքական նպատակների համար: Աճում է նրանց դերը մի շարք երկրներում իրավիճակի ապակայունացման և վարչակարգերի փոփոխության գործում»,- ասել է Բորտնիկովը:
«Այդ ուժերի կողմից սկսված գործընթացները սպառնում են մի շարք տարածաշրջանների կայունությանը, իսկ հավանական հետևանքները սպառնալիք են կրում ամբողջ համաշխարհային հանրության համար՝ անկախ ապակայունության օջախից ունեցած աշխարհագրական հեռավորությունից»,- հայտարարել է Բորտնիկովը:
