Համացանցում «Բիթլզ» խմբի մասնակցությամբ նախկինում անհայտ տեսանյութ է հայտնվել: Տեսանյութը ստեղծվել է 1967 թվականին Magical Mystery Tour ֆիլմի նկարահանումների ժամանակ, փոխանցում է BBC-ի ռուսական ծառայությունը:
Յուրահատուկ տեսանյութը հնարավոր է գտնել The Space կայքում: Դրանում երևում է, թե ինչպես են խմբի անդամները ճաշում անգլիական Տոնտոն քաղաքի ճաշարաններից մեկում:
Magical Mystery Tour ֆիլմն առաջին անգամ ցուցադրվել է 1967-ին BBC-ի եթերում: Ֆիլմը հիթ չի դարձել, իսկ քննադատներն այն «հիմարություն» են անվանել:
«Բիթլզ»-ի ստեղծագործական արժեքը վերանայող ֆիլմից անմիջպես հետո 33 տարում առաջին անգամ հոկտեմբերի 6-ին BBC-ն նորից կցուցադրի Magical Mystery Tour-ը:
Ֆիլմում կցուցադրվեն Magical Mystery Tour-ում չընդգրկված անհայտ տեսանյութերը:
Հոկտեմբերի 5-ին լրանում է «Բիթլզ»-ի առաջին սինգլի` Love Me Do-ի թողարկման 50 տարին:
