Արդեն երկար ժամանակ է, ինչ խոսակցություններ կան այն մասին, որ Facebook-ը պատրաստվում է ունենալ հեռախոսների սեփական մոդելը: Տեղեկություններ կան, որ շուտով ընկերության պատասխանատուները կհայտարարեն սրա մասին: Հեռախոսների շուկայում հիմա շատ լուրջ մրցակցություն կա` Nokia, Sony Ericsson, Samsung, հայտնվել են նոր օպերացիոն համակարգեր Apple-ից, Google-ից կամ Microsoft-ից: Սակայն Facebook-ին կարծես սա չի վախեցնում: Upi.com կայքի փոխանցմամբ, տարբեր տվյալներով` գրեթե 150 մլն մարդ այդ սոցիալական ցանցից օգտվում է հեռախոսներով, եւ Facebook-ի ղեկավարությունը կփորձի օգտվել սրանից:
