Ռուսաստանն ապաստան չի տա Սիրիայի նախագահ Բաշար Ալ-Ասադին, եթե նա հրաժարական տա, և ընդհանրապես նրան հրաժարականի կոչ չի անի: Այս մասին, ինչպես հաղորդում է Interfax-ը, հայտարարել է Ռուսաստանի արտգործնախարար Սերգեյ Լավրովը:
«Ոչ, մենք նրան քաղաքական ապաստան չենք տա»,- ասել է Լավրովը ամերիկացի հեռուստալրագրող Չարլի Ռոուզին՝ պատասխանելով նրա այն հարցին, թե Ռուսաստանը կընդունի՞ Բաշար Ալ-Ասադին, եթե վերջինս հրաժարական տա: «Ինչպես ես ասում էի, նա (Ասադը.- 1in.am) բարեկամ է եղել Սիրիայից հյուսիս-արևմուտք ընկած մյուս երկրների համար»,- ասել է Լավրովը:
Նա նշել է, որ եթե Ասադը որոշի հրաժրական տալ, «դա կլինի նրա որոշումը»: «Մենք նրան չենք ասի, որ նա հրաժարական տա: Ոչ թե այն պատճառով, որ ենթադրում ենք, թե նա անփոխարինելի է: Ոչ մի դեպքում: Մեզ համար նշանակություն չունի, ով կկառավարի Սիրիան, քանի դեռ Սիրիան ժողովրդավարական է, ազատ և հարմար փոքրամասնությունների համար»,- ասել է ՌԴ արտգործնախարարը:
