Ակնհայտ է, որ Լեդի Գագան Բրիթնի Սփիրսի հետքերով է գնում: Երգչուհին գիրացել է 12 կգ-ով` շարունակելով ելույթ ունենալ բաց հագուստներով և ցուցադրելով իր գեղեցկությունը: The Daily Mail-ը հաղորդում է, որ երգչուհուն այդ կազմվածքով առաջին անգամ տեսել է Ամստերդամի հանդիսատեսը, որտեղ նա ելույթ էր ունենում Born This Way շրջագայության ընթացքում:
Գագան հավաստիացրել է, որ իր գիրանալու պատճառը հայրն է` Ջոզեֆ Ջերմանոտը, ով Նյու Յորքում իտալական ռեստորան ունի և սիրում է դստերը կերակրել նրբախորտիկներով (դելիկատեսներով): Իսկ երգչուհին նշել է, որ հոգնելով բազմաթիվ ու բազմապիսի դիետաներից, ֆիզիկական ծանրաբեռնվածությունից, թուլանում է մածուկներ և պիցցաներ ուտելով:
«Ամեն անգամ հայրիկիս ռեստորանից ես դուրս եմ գալիս 2 կգ գիրացած: Բայց մեկ րոպե անգամ չեմ ափսոսում դրա համար: Ես ստիպված եմ լինում ամեն անգամ նստել խիստ դիետաների վրա: Դա ծանր է»,- հայտարարել է երգչուհին:
Քելլի Օսբորնը, ով ևս քիչ չէ պայքարել գիրանալու դեմ, հայտարարել է, որ կասկածում է, թե Լեդի Գագան հղի է` հաշվի առնելով, որ վերջինս «կլորիկացել» է որոշակի հատվածներում: Սակայն վերջին համերգի լուսանկարից նկատվում է, որ Օսբորնը սխալվել է, քանի որ Գագան «կլորիկացել է» ոչ միայն որոշակի հատվածներում, այլ ողջ մարմնով:
