Մաքսային միությանն անդամակցելու դեպքում վառելիքի արտահանման ժամանակ Տաջիկստանը կխնայի մինչև 350 մլն դոլար: Բացի այդ՝ Մաքսային միությանն անդամակցությունը հանրապետությանը չի խանգարի անդամակցել Առևտրի համաշխարհային կազմակերպությանը: Ինչպես տեղեկացնում է «Ռոսբալտը», այս մասին խոսվել է Դուշանբեում կայացած «Մաքսային միությունն ու Տաջիկստանը. Ինտեգրման նոր հեռանկարներ» կլոր սեղանի ժամանակ:
Ելույթ ունենալով կլոր սեղանի մասնակիցների առաջ` Տաջիկստանում ՌԴ արտակարգ և լիազոր դեսպան Յուրի Պոպովը նկատել է, որ Տաջիկստանի՝ Մաքսային միությանն անդամակցելը արդիական հարց է ինչպես հանրապետության, այնպես էլ այդ կազմակերպության անդամ-երկրների համար:
Նա նաև նշել է, որ Մաքսային միությանը Տաջիկստանի անդամակցությունը կնպաստի հանրապետության բնակիչների բարեկեցության բարձրացմանը:
