«Չի կարող և իրավունք չունեն Մարկ Հորթոնը և իր պատվիրակությունը նշել տպավորիչ և զգալի դրական փոփոխությունների մասին: Դա արդեն զայրացնում է: Նրանք շատ էլ լավ գիտեն ամեն ինչ: Այդ ամենից հետո սկսում ես կասկածել` իրավիճակն իրենց հուզո՞ւմ է, թե՞ ոչ: Եվ, ամենայն հավանականությամբ, դրական պատասխան դժվար է ակնկալել: Մարկ Հորթոնը կօգներ Հայաստանին, եթե նշեր անցյալ տարվա բյուջեի կատարողականի թերացումը»,- «168 ժամ»-ի թղթակցի հետ զրույցում ասել է ՀՀ նախկին վարչապետ Հրանտ Բագրատյանը` անդրադառնալով Արժույթի միջազգային հիմնադրամի հայաստանյան պատվիրակության ղեկավար Մարկ Հորթոնի` ՀՀ կառավարության գործունեության վերաբերյալ հնչեցրած դրական գնահատականներին:
«Նշենք, որ այս տարվա բյուջեն էլ չի կատարվում: Այն, որ վարչապետն «աբուռ» չունի, ես դա գիտեմ: Բայց ինձ զարմացնում է Մարկ Հորթոնի դիրքորոշումը: Հարց է առաջանում` նա գրագիտություն ընդհանրապես ունի՞, թե՞ այդպես «ափաշքյարա» Հայաստանին դեմ է աշխատում»,- հավելել է նա:
