Երևանի կրկեսը վերջնականապես «պայթեց» (տեսանյութ)

Քիչ առաջ մայրաքաղաքի Ագաթանգեղոսի 1 հասցեում ավարտվեցին Երևանի կրկեսի վերակառուցվող շենքն ապամոնտաժելու նպատակով իրականացվող պայթեցման աշխատանքները։

Ինչպես «Առաջին լրատվական»-ին տեղեկացրել էին ՀՀ ԱԻՆ լրատվական ծառայությունից, պայթեցման աշխատանքներն իրականացվել են ՀՀ ԱԻՆ սակրավորների ու պայթեցնողների մասնագիտացված խմբի կողմից։ Տեղում հերթապահություն են իրականացրել փրկարար ծառայության ուժերը և ոստիկանության աշխատակիցներ։

Անվտանգության նկատառումներից ելնելով` պայթեցման աշխատանքների ընթացքում դադարեցվել էր Կրկեսին հարող փողոցների երթևեկությունը` սկսած Երևանի քաղաքապետարանի, «Փեթակ» առևտրի կենտրոնի և «Այրարատ» կինոթատրոնի մոտից։

Մի շարք քաղաքացիական ակտիվիստներ այսօր Facebook սոցիալական ցանցում իրենց մտահոգությունը հայտնեցին պայթեցման աշխատանքների վերաբերյալ: Նրանք մտավախություն ունեն, որ Երևանի Կրկեսը կդառնա հերթական հյուրանոցը կամ ժամանցի կենտրոնը:

Լուսանկարները՝ PanARMENIAN Photo-ի