ԿԺԴՀ-ի ղեկավար Կիմ Չեն Ինի կինը` Լի Սոլ Չժուն, արևմտյան քաղաքական շրջանակներում իրարանցում է առաջացրել` հասարակության առջև հայտնվելով տաբատով և պիջակով:
Կորեացի քաղաքական գործչի 27-ամյա կնոջը սև տաբատով ու պիջակով ցուցադրել են Կիմ Չեն Ինի` սալիկի գործարան այցի մասին ռեպորտաժի ժամանակ:
Նշենք, որ մի քանի տասնամյակ շարունակ ԿԺԴՀ-ում կանանց խորհուրդ է տրվում կրել երկար կիսաշրջազգեստներ, նշում է Daily Thelegraph-ը:
Հիշեցնենք` վերջերս ԿԺԴՀ-ն Եվրոպայում 150 000 եվրոյի «գնումներ» է կատարել: Ձեռք բերված իրերի թվում են` հագուստ, խաղալիքներ, փոքրիկ մահճակալ, օրորոց, սայլակներ, ատամի խոզանակներ, նորածինների համար նախատեսված իրեր և նույնիսկ փոքրիկ երաժշտական գործիքներ:
Կիմի և նրա կնոջ երեխա ունենալու լուրերը վաղուց են շրջանառվում: Շատերը կարծում են, որ ժառանգորդը (ուհին) լույս աշխարհ է եկել 2010-ին:
Կիմ Չեն Ինը երկար ժամանակ ժողովրդից նաև իր ընտրյալին էր թաքցնում:
