Հուշարձանների պաշտպանության գերմանական ընկերությունը (DSD) հանդես է եկել Ցիտտաու քաղաքի պատմական կենտրոնի պաշտպանության օգտին, որը գտնվում է Գերմանիայի արևելքում`Լեհաստանի և Չեխիայի սահմանի մոտ: Տեղկան իշխանությունները որոշել են պատմական և մշակութային արժեք ներկայացնող շինությունների մեջ կառուցել առևտրի կենտրոն: Այդ ծրագրերի քննադատությամբ միությունը հանդես է եկել բաց նամակով, որը հրապարակվել է DSD կայքում:
DSD ներկայացուցչի`Ռոզմարի Վիլկենի խոսքերով՝ դա քաղաքի մշակույթի հանդեպ անհարգալից վերաբերմունք է, ինչպես նաև չափազանց կասկածելի է քաղաքաշինության տեսանկյունից: Բացի այդ՝ ինչպես նշում են հուշարձանների պաշտպանության ընկերությունում, առևտրի կենտրոնի շենքն ինքնին միանգամայն անտեսք է և ավելի շատ նման է կոպիտ նախնական էսքիզների, քան վերջնական տարբերակի:
Քաղաքային իշխանությունների հետ ընկերությունը չի ուզում համագործակցել: Վիլկենը հստակեցրել է, որ չի ուզում համագործակցել, որպեսզի հետագայում էլ հնարավորություն ունենա անաչառ գնահատել այդ նախագծերը:
Հուշարձանների պաշտպանության կազմակերպությունը գոյություն ունի 1985 թվականից և այդ ոլորտում խոշոր մասնավոր կազմակերպություն է:
