Newsru-ն, հղում անելով LaStampa-ին, տեղեկացնում է, որ Բեռլուսկոնին չի հերքել իր կապը երիտասարդ մարոկուհու հետ, որը հայտնել էր, որ Իտալիայի վարչապետի հետ մեկ գիշեր անցկացնելու համար վճարվել է: Այս մասին «Առաջին Լրատվականը» երեկ արդեն հայտնել է:
Բայց Բեռլուսկոնին հանդես է եկել բարերարի դիրքերից` հայտնելով. «Ես սիրտ ունեմ, ես անում եմ ամեն ինչ, որպեսզի օգնեմ մարդկանց, որոնք օգնության կարիք ունեն»: Այս մասին նա ասել է Աչերրայում տեղի ունեցած մամուլի ասուլիսի ժամանակ: Նա չի հերքել, որ հանձնարարել է ազատ արձակել մարոկուհուն, երբ նրան ձերբակալել են գողության համար: Սակայն այն ամենի վերաբերյալ, որտեղ նախաքննությունը դժվարություններ ունի, Բեռլուսկոնին ամեն ինչ հերքում է: Նա պնդում է, որ երիտասարդ աղջկա հետ սեռական հարաբերություններ չի ունեցել:
