Հայտնաբերվել է Երկրորդ Համաշխարհայինի ժամանակ Լեհասատնում Հիտլերի կողմնակիցների կողմից գողացված Ռաֆայելի «Պատանու դիմանակարը» հայտնի կտավը, որը ներառված է եղել իշխան Չարտորիյսկիների հավաքածուի մեջ: Կտավը նակինում համարվում էր անհետացած:
Դեռևս չի տեղեկացվում, թե որ երկրում է գտնվում թանկարժեք ստեղծագործությունը և թե ինչպես է Լեհաստանում դրա մասին հայտնի դարձել:
«Չեմ կասկածում, որ մենք այն կստանանք: Կարևորը, որ նկարը չի կորել ռազմական անկարգությունների ժամանակ: Չի այրվել և չի վերացվել: Այն կա, գոյություն ունի և գտնվում է բանկերից մեկի չհրկիզվող պահարանում: Այնպիսի մի երկրում, որի օրենքը մեր կողմն է»,- ռադիոկայանի եթերում հայտարարել է մշակութային արժեքների վերականգման հարցերով Լեհաստանի ԱԳՆ լիզոր ներկայացուցիչ պրոֆեսոր Վոյչեկ Կովալսկին:
Կտավի օրինական սեփականատերը` Կարակովում իշխան Չարտորիյսկիների Հիմադրամը, 40 տարվա ընթացքում տարբեր ասեկոսեներ էր լսել, որոնց համաձայն՝ աշխարհահռչակ կտավը գտնվել է շվեյցարական բանկիրների մոտ, ապա վաճառվել Ռուսաստնում, որտեղից էլ հասել է ԱՄՆ:
«Երբ ես Չարտորիյսկիների հիմնադրամի նախագահն էի, բազմաթիվ լուրեր էի ստանում նկարի մասին, որոնք ճշտելուց հետո պարզվում էին, որ մտացածին են: Մենք մշտապես առաջնորդվել ենք հետևյալ սկզբունքով` ավելի լավ է 100 անգամ սխալվել, քան բաց թողնել հետքը»,- ասել է Կարակովի ազգային թանգարանի տնօրեն Զոֆյա Գոլուբևան:
Ռաֆայել Սանտին «Պատանու դիմանկարը» ստեղծել է 16-րդ դարի սկզբին: 19-րդ դարի սկզբին կտավը հայտնվել է Չարտորիյսկիների հավաքածուում: Համարվում էր, որ գերմանացիները այս ստեղծագործությունը նախատեսել էին ավստրիական Լինցում Հիտլերի թանգարանի համար, սակայն պատերազմից հետո այն անհետացել էր:
