Կասկածելի իրը, որը հայտնաբերվել էր Օլսոյում ԱՄՆ դեսպանատան հարևանությամբ, անվնաս է եղել, հաղորդում է Dagbladet-ը:
Դրա հետ կապված` ոստիկանությունը չեղյալ է հայտարարել դիվանագիտական ներկայացուցչության ու դրան հարակից տարածքների տարհանման մասին հրամանը:
Ամերիկյան դեսպանատան ներկայացուցիչներն իրը հայտնաբերել էին հուլիսի 31-ի ցերեկը: Այդ մասին տեղեկացվել էին փրկարարները և սակրավորները:
NRK հեռուստաալիքի տեղեկություններով` դեսպանության տարածքից հեռացվել են միայն այցելուները, դիվանագիտական ներկայացուցչության աշխատակիցներին հրամայվել է հեռանալ շենքի ամենահեռավոր անկյունը:
Դեպքի վայրում դադարեցվել էր տրանսպորտի շարժը, այդ թվում`մետրոյի աշխատանքը:
Թե ինչ է եղել իրականում այդ իրը, որը նման իրարանցման պատճառ էր դարձել, չի հաղորդվում:
