Mac OS X օպերացիան համակարգի նոր՝ Mountain Lion տարբերակը, թողարկման առաջին 4 օրերին ներբեռնել են ավելի քան 3 միլիոն անգամ: Այս մասին ասված է Apple-ի մամլո հաղորդագրությունում:
Appl-ն այն անվանում է Mac OS X –ի պատմության ամենահաջող թողարկումը: Օպերացիոն համակարգի նախորդ՝ Lion տարբերակը, առաջին օրերի ընթացքում ներբեռնվել էր 1 միլիոն, իսկ 2 ամսում՝ 6 միլիոն անգամ:
Mountain Lion –ը վաճառքի է հանվել հուլիսի 25-ին: Mac App Store ինտերնետ խանութում այն արժի 19,99 դոլար: Օպերացիոն համակարգի նոր տարբերակին անցնել կարող են Mac համակարգիչների տերերը, որոնց համակարգիչների վրա տեղադրված է Mac OS X-ի նախորդ տարբերակներից որևէ մեկը՝ Lion-ը (2011 թ.) կամ Snow Leopard (2009թ):
Mountain Lion-ում ի հայտ եկած նորությունների շարքում է «Հաղորդագրություն» հավելվածը, որը եկել է փոխարինելու iChat-ին, ծանուցումների կենտրոնը, խաղասրահը, թելադրման գործառույթը և սոցցանցերի ինտեգրացիան: Օպերացիոն համակարգը «հասկանում» է միայն անգլերեն, գերմաներեն, ֆրանսերեն և ճապոներեն:
2011 թվականից Apple ընկերությունը իր օպերացիոն համակարգերը վաճառում է հիմնականում ինտերնետով: Mac OS X-ի ավելի վաղ տարբերակները տարածվել են օպտիկական սկավառակներով:
