Իրանը մտադիր է դատի տալ ԱՄՆ-ին և եվրոպական պետություններին միակողմանի պատժամիջոցների համար, որոնք սահմանվել են Թեհրանի դեմ առանց ՄԱԿ ԱԽ թույլտվության, կիրակի օրը հաղորդում է Press TV հեռուստաալիքը՝ հղում անելով Իրանի նախագահին առընթեր միջազգային-իրավական հարցերով զբաղվող կենտրոնի ղեկավար Մաժիդա Ջաֆարազդեին:
«Բողոքը հավանաբար կներկայացվի միջազգային իրավունքի հիման վրա»,- հեռուստաալիքը մեջբերում է Ջաֆարզադեի խոսքերը, ով հաղորդել է նաև, որ իր կողմից ղեկավարվող կենտրոնը ստեղծվել է արևմտյան երկրների կողմից Իրանի դեմ սահմանված պատժամիջոցներին դիմակայելու համար:
Այն մասին, թե որ ատյանում կներկայացվի իրանական բողոքը, հաղորդագրությունում չի նշվում:
ԱՄՆ, մի շարք եվրոպական երկրներ և Իսրայելը Իրանին կասկածում են միջուկային զենք պատրաստելու մեջ`այն թաքցնելով «խաղաղ ատոմ» ստեղծելու ծրագրի ներքո:
Թեհրանը հերքում է բոլոր մեղադրանքները, հայտարարելով, որ իր ատոմային ծրագիրն ուղղված է բացառապես երկրի էլեկտրաէներգիայի պահանջները բավարարելուն: Ներկա պահին Իրանի դեմ գործում է ՄԱԿ ԱԽ 4 պատժամիջոցային բանաձև:
Բացի այդ՝ հուլիսի մեկից ուժի մեջ է մտել իրանական նավթ արտահանելու վրա արգելք դնելու ԵՄ որոշումը:
