Friday, 29 03 2024
13:00
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath
11:15
Ռուսական խոշոր հարձակումը կլինի մայիսի վերջին
Բեգլարյանը սպառնացել է նորակառույցի սեփականատերերին իր առանձնատուն բացվող տեսարանի համար
«Միրզոյանի հետ վերջին անգամ շփվել եմ Սկոպյեում․ մենք էինք նախաձեռնել այն». Լավրով
Հայաստանի և Ադրբեջանի խորհրդարանների ղեկավարներն առաջիկայում կրկին կհանդիպեն
«Հայկական ղեկավարությունը սկսում է արտահայտել այնպիսի գաղափարներ, որոնցով Փաշինյանը ձևավորել էր իր «Ելք» շարժումը». Լավրով
«Փաշինյանը միշտ մեզնից խնդրել է չմոռանալ Լեռնային Ղարաբաղի կարգավիճակի հարցը». Լավրով
10:45
«Բրյուսելի հանդիպումը կկենտրոնանա Հայաստանի տնտեսական կայունության վրա». Միլլեր
«Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են
Թումանյան փողոցում ծառի ճյուղն ընկել է էլեկտրական լարերի վրա
Սուրեն Պապիկյանը հետևել է «Բաղրամյան» զորավարժարանում անցկացված զորախաղերին
10:15
Նավթի գներն աճել են. 28-03-24
Լուրերի առավոտյան թողարկում 10:00
Քարաթափում Լանջազատ գյուղի մոտակայքում

Քոչարյանի գործոնն ու ռուսական շահերը

Ակնհայտ է, որ Ռոբերտ Քոչարյանի գործոնը Հայաստանի ներքաղաքական կյանքում ունի բավականաչափ «կազմաքանդիչ» հատկություն, այն իմաստով, որ այդ գործոնը կարող է կազմաքանդել ընդդիմություն-իշխանություն «դասական» պայքարի շրջանակը: Այսինքն՝ երբ չկա քոչարյանական գործոն, ապա առկա է ընդդիմություն-իշխանություն մի պայքար, որը իր մեթոդներով, մոտեցումներով և կանոններով Հայաստանում, իհարկե, դասական չէ,- և դա՝ առավելապես իշխանության վարքի և մոտեցումների հետևանքով,- բայց տրամաբանության իմաստով տեղավորվում է դասական քաղաքական պայքարի շրջանակում` ընդդիմությունը պայքարում է իշխանության դեմ, կամ՝ հակառակը:

Քոչարյանի, այսպես կոչված, գործոնը առաջացնում է բոլորովին այլ դասավորություն և փոխում ներքաղաքական պայքարի տրամաբանությունը: Առաջանում է երրորդ բևեռ, որը խնդրահարույց է թե՛ իշխանության, թե՛ ընդդիմության համար, քանի որ թե՛ մեկի, թե՛ մյուսի համար բացում է, այսպես ասած, երկրորդ ճակատ: Իսկ դա, ինքնաբերաբար, օբյեկտիվորեն փոխելու է թե՛ իշխանության, թե՛ ընդդիմության վարքը, մարտավարությունը, քանի որ երկրորդ ճակատի գոյությունն անտեսելը կլինի քաղաքական անհեռատեսություն:

Այդպիսով, Հայաստանի ներքաղաքական կյանքը ընդդիմություն-իշխանություն դասական տրամաբանությունից դուրս է գալիս: Թեև խոսքը տվյալ դեպքում քրեական հանցանքի մասին չէ, այդուհանդերձ, թերևս տեղին կհնչի այդպիսի դեպքերում առաջինը ձևակերպվող հարցը` փնտրիր նրան, ում ձեռնտու է «հանցանքը»:

Այստեղ թվում է, որ Քոչարյանի գործոնը ձեռնտու է թե՛ իշխանությանը, թե՛ ընդդիմությանը: Բանն այն է, որ երկուսի համար էլ Քոչարյանը կարող է լինել այն հենման կետը, որի վրա կկառուցվեն որոշ անարդյունավետությունների հետ կապված արդարացումներ: Օրինակ՝ ընդդիմությունը Քոչարյանի գործոնի ֆոնին կարող է Սերժ Սարգսյանին ներկայացնել չարյաց փոքրագույն և ասել, որ եթե Սերժ Սարգսյանի անկյուն քշվելը կարող է իշխանության բերել Քոչարյանին, ապա ընդդիմության համար առավել առաջնային է լինում դա թույլ չտալը, քան Սարգսյանին հեռացնելը:

Իսկ իշխանության համար Քոչարյանի «ուրվականը» հիանալի արդարացում է՝ հասարակությանն ասելու, թե երկրում բարեփոխումներ չեն լինում, որովհետև խանգարում է Քոչարյանն իր իշխանատենչ ակտիվությամբ: Բայց, ըստ էության, քոչարյանական գործոն կոչվածը ունի շատ ավելի խոր արմատ և գալիս է Ռուսաստանից, որտեղ վերջին շրջանում հաճախ են հյուրընկալում Սեդրակովիչին:

Բանն այն է, որ նրա գործոնի «կազմաքանդիչ» պոտենցիալը ամենից ավելի պետք է հենց Ռուսաստանին, քանի որ Հայաստանում իշխանության համար պայքարի տրամաբանությունը հանելով դասական շրջանակից՝ ռուսներն, անկասկած, իրենց շատ ավելի լավ կզգան և կկարողանան շատ ավելի արդյունավետ մանևրել Հայաստանի քաղաքական դաշտում:

Դասական քաղաքականությունը կառուցողական մտածողություն ունեցող սուբյեկտների գործ է: Օրինակ՝ հենց դրա համար է, որ Հայաստանի իշխանությունը մշտապես խուսափել է Հայաստանի ընդդիմության հետ այդպիսի քաղաքական պայքարից: Ավելի մեծ մասշտաբով էլ «Հայաստանի իշխանություն» է Ռուսաստանը, և դասական քաղաքական գործընթացները նաև Ռուսաստանի «աքիլեսյան գարշապարն» են:

Ահա թե ինչու Մոսկվայի համար շատ կարևոր է քայքայել թեկուզ ոչ բովանդակային, այլ միայն տրամաբանության տեսանկյունից դասական դասավորությունը Հայաստանում, ինչի ամենաարդյունավետ գործիքը կարող է լինել Քոչարյանի գործոնը: Պատահական չէ, որ նրան վերջին շրջանում սկսել են հաճախ հյուրընկալել Մոսկվայում:

Դա իհարկե չի նշանակում, որ Քոչարյանին ռուսները ցանկանում են բերել իշխանության: Նրան պարզապես փորձում են օգտագործել Հայաստանի առաջիկա ընտրական փուլում իշխանությանը վերահսկողության տակ պահելու համար:

Բաժիններ
Ուղիղ
Լրահոս
Որոնում