Ճամայկացի աշխարհահռչակ վազորդ Ուսեյն Բոլտը Լոնդոնի 2012 թվականի Օլիմպիական խաղերի ավարտից հետո ցանկանում է մրցել իր անվանակից նժույգի հետ։ Այս մասին տեղեկացնում է AP-ն։
3-ամյա Ուսեյն Կլոտն իր անունը ստացել է վազորդի՝ Պեկինի օլիմպիադայում 100մ արագավազքում սահմանած համաշխարհային ռեկորդից հետո։
«Ուսեյն Բոլտը միակ մարզիկը չի լինի, ում ցուցանիշը գերազանցելը չափազանց դժվար կլինի։ Հուսով եմ, որ վերջին հաջողություններից հետո Կլոտը լավ հնարավորություններ ունի մրցելու Բոլտի հետ»,- հայտարարել է Ջեյք Ուորենը։
«Ես շատ ուրախ եմ, որ կա նժույգ, որը կրում է իմ անունը և պատկանում է արքայազն Հարիին։ Օլիմպիադայի ավարտից հետո կմտածեմ նրա հետ մրցելու մասին»,- հայտարարել է մարզիկը։