Վանո Սիրադեղյանի նախկին թիկնազորի պետ Սուրեն Սիրունյանն այսօր լրագրողների հետ հանդիպմանը հայտարարեց, որ ՀՀՇ վարչության ներկայիս նախագահ Արամ Մանուկյանը ժամանակին կողմ է եղել, որպեսզի Վանո Սիրադեղյանին պատգամավորական անձեռնմխելիությունից զրկեն և ձերբակալեն:
«Երբ առաջին անգամ Գլխավոր դատախազն ԱԺ-ում միջնորդեց, որպեսզի ձերբակալեն Վանո Սիրադեղյանին, Արամ Մանուկյանը, եթե չեմ սխալվում, մշակույթի փոխնախարար էր: Արամ Մանուկյանն ինքն է անձամբ խնդրել Վանո Սիրադեղյանին, որպեսզի կամ չմասնակցի քվեարկությանը, կամ կողմ քվեարկի դատախազի միջնորդությանը, քանի որ ինքն այսօր աշխատում է որպես փոխնախարար, և կարող է իրեն աշխատանքից ազատեն»,- պատմեց Սիրունյանը:
Նա նաև նշեց, որ նման կերպ են վարվել նաև այլ գործիչներ, որոնց անուններն այսօր չի ուզում հնչեցնել: «Եթե մարդիկ փորձեն հերքել իմ ասածը, կարող եմ թվարկել մի քանի հոգու անուններ»,- նշեց նա: