Երեկ` հուլիսի 22-ին, «Լուժնիկիում»՝ Red Hot Chili Peppers-ի համերգի ժամանակ, Մոսկվայի ՆԳՆ գլխավոր վարչության ՕՄՕՆ-ականները ձերբակալել են Հայաստանի 39-ամյա մի քաղաքացու: Վերջինս դանակի հարվածներ է հասցրել 25-ամյա մի դաղստանցու: Kp.ru կայքի փոխանցմամբ՝ այս մասին հայտնել են ՌԴ ՆԳՆ գլխավոր վարչությունից:
«Ոստիկանության երկու ավագ սերժանտ ստուգել են դուրս եկող ավտոտրանսպորտը: Ժամը 14.10-ին նրանք տեսել են, թե ինչպես է ճանապարհի երթևեկելի մասով վազում ինչ-որ մարդ ու բղավում: Նրան հետապնդել է BMW մակնիշի ավտոմեքենան:
Արտասահմանյան մակնիշի մեքենան մոտեցել է ոստիկաններին ու հայտարարել, որ վազող տղամարդը վիրավորել է իր եղբորը: ՕՄՕՆ-ականները մեքենայում տեսել էին վիրավոր դաղստանցուն: Հատուկ նշանակության ջոկատայինները հետապնդել են փախչող չարագործին ու ձերբակալել: Վիրավորին ոստիկանության աշխատակիցները ցուցաբերել են առաջին օգնություն ու կանչել շտապօգնություն: Ներկայում տուժածը գտնվում է Ն. Վ. Սկլիֆասովսկու անվան հիվանդանոցում, որտեղ վիրահատվել է: Նրա վիճակը գնահատվում է կայուն, ծանր»,- հայտնել են ոստիկանությունից:
Ձերբակալված հայը տեղափոխվել է ՌԴ ՆԳՆ Խամովկինի շրջանի բաժանմունք: Հարձակման գործով հարուցվել է քրեական գործ:
