Ժողովրդական կուսակցության ղեկավար Տիգրան Կարապետյանը իր այսօրվա հանրահավաքից առաջ «Առաջին լրատվական»-ի հետ զրույցում տեղեկացրեց, որ հանրահավաքից հետո լինելու է երթ դեպի նախագահական, որտեղ իրենք վերջնագրի տեսքով հռչակագիր են հանձնելու Սերժ Սարգսյանին:
Կարապետյանը նշեց, որ լինելու են հզոր կարգախոսներ. «Ինչու չէ, ես մտածում եմ, որ ժողովուրդը պետք է ասի այն հերյուրանքները, այն հարձակումները, որը մեզ վրա երկուստեք` թե՛ իշխանությունը, թե՛ չակերտավոր ընդդիմությունը կատարում են, որովհետև եթե ընդդիմությունը սկսում է պայքարել մեր դեմ, այն ժամանակ հասկանալի չէ նրանց պայքարը իշխանությունների դեմ»:
Տիգրան Կարապետյանը նշեց, որ իշխանությունների հրաժարականը պահանջելու են փետրվարի 28-ի հանրահավաքում. «28-ին արտահերթ ընտրություններ, և մաքուր ընտրության ճանապարհով ժողովուրդը ոչ կասի իշխանավորին»:
Տիգրան Կարապետյանը չհստակեցրեց, թե ինչպիսի քայլերով են իշխանափոխություն իրականացնելու. «Քայլերը լինելու են հզոր, բայց դա գաղտնիք է»:
Լուսանկարը՝ PanArmenianPhoto-ի