Արցախի ոստիկանության լրատվական ծառայութան պետ Ֆելիքս Հարությունյանը լրագրողների հետ ճեպազրույցում հերքեց այն տեղեկությունները, որ Վիտալի Բալասանյանի վստահված անձանցից մեկն այսօր բռնության է ենթարկվել:
Նրա խոսքով` Վիտալի Բալասանյանի վստահված անձանցից մեկի մասնակցությամբ միջադեպ տեղի է ունեցել երեկ:
«Ոստիկանությունում համապատասխան դիմում էր ստացվել, որ Ասկերանի շրջանում միջադեպ էր տեղի ունեցել: Դիմումն ստանալուց հետո այն, օրենսդրության համաձայն, ուղարկվել է Ասկերանի շրջանային դատախազություն` համապատասխան ստուգումներ իրականացնելու համար: Այլ տեղեկություններ ես հաղորդել չեմ կարող»,- ասաց Հարությունյանը` հավելելով, որ դիմումի հեղինակը Վիտալի Բալասանյանի վստահված անձանցից մեկն է:
«Առաջին լրատվական»-ի տեղեկություներով, սակայն, այսօրվա միջադեպը տեղի է ունեցել Մարտունու շրջանի 1/1 ընտրական տեղմասում: Բայց քանի որ տուժողը հետ է վերցրել դիմումը, ոստիկանությունը հայտնում է, որ նման միջադեպ չի եղել:
Ֆելիքս Հարությունյանը նաև նշեց, որ այսօր ընտրությունների սկզբից մինչև վերջին պահը խախտումներ չեն գրանցվել:
