Հաջորդ մի քանի շաբաթների ընթացքում մենք հաճախ ականատես կլինենք նրան, որ մարզիկները, արժանանալով ոսկե մեդալի, կժպտան և ուրախությամբ կբարձրացնեն իրենց ձեռքերը:
Եվ հուզական նման արձագանքը նույնը կլինի բոլոր մարդկանց կողմից ` անկախ հաղթողի ազգությունից:
Daily Mail-ը գրում է, որ սրա համար պատճառ է հանդիսանում այն, որ ձեռքերը վեր բարձրացնելը, բռունցքները սեղմելը և լայնորեն ժպտալը, որն ինչ-որ չափով նմանվում է ծամածռության, համարվում են նշաններ, որոնցով բոլոր մարդիկ ցույց են տալիս իրենց ուրախությունը:
Սան Ֆրանցիկսոյի պետական համալսարանի մասնագետների կողմից իրականացրած հետազոտությունը եզրակացնում է, որ սրանք այն նշաններն են, որոնք կոտրում են մշակութային տարբերությունները: Այս հետազոտությունը նաև մարտահրավեր է նետում նույն թեմայով իրականացված նախորդ հետազոտությանը, ըստ որի՝ այս նշանները համարվում էին հպարտության նշաններ: