Official Charts Company-ի անցկացրած հարցումների տվյալներով՝ Queen խմբի «Bohemian Rhapsody» ստեղծագործությունը ճանաչվել է բրիտանացիների սիրելի սինգլ: Այս մասին հաղորդվում է ընկերության պաշտոնական կայքում:
Հարցման մասնակիցները կարողացել են քվեարկել միայն այն երգերի օգտին, որոնք երբևէ բարձրացել են բրիտանական երաժշտական հիթ-շքերթի առաջին հորիզոնական: «Bohemian Rhapsody»-ն ներառված է «A Night at the Opera» ալբոմում և որպես սինգլ թողարկվել է 1975 թվականի հոկտեմբերին: Երգը գլխավորել է հիթ շքերթն ու 9 շաբաթ մնացել առաջատարի դերում: 1991 թվականին խմբի առաջնորդ Ֆրեդի Մերկյուրիի մահից հետո ստեղծագործությունը ևս 5 շաբաթով վերադարձել է հիթ-շքերթի առաջին հորիզոնական:
Հարցման մասնակիցների կողմից կազմված սիրելի սինգլների ցուցակը հետևյալ տեսքն ունի.
1. Queen – «Bohemian Rhapsody»
2. Մայքլ Ջեքսոն. «Billie Jean»
3. Ադել. «Someone Like You»
4. Oasis. «Don’t Look Back In Anger»
5. The Beatles.«Hey Jude»
6. Ջոն Լենոն. «Imagine»
7. Բրիթնի Սփիրս. «..Baby One More Time»
8. ABBA . «Dancing Queen»
9. Ուիթնի Հյուսթոն. «I Will Always Love You»
10. Քայլի Մինոուգ.«Can’t Get You Out Of My Head»
