ԱՄՆ-ի առաջին տիկին Միշել Օբաման հայտարարել է նախագահ Բարաք Օբամայի կողմնակիցների շրջանում նրա տարեդարձի հրավիրատոմսերի համար վիճակահանություն կազմակերպելու մտադրության մասին:
«Բարաքը հաջորդ ամիս կդառնա 51 տարեկան, և մենք մեր Չիկագոյի տանը այդ առիթով փոքրիկ տոն ենք կազմակերպելու: Մենք ցանկանում ենք հասարակ կողմնակիցներին հնարավորություն ընձեռել միանալու մեզ»,- ասվում է Միշել Օբամայի նամակում, որը տարածվել է նախագահի նախընտրական շտաբի կողմից:
Համաձայն լոտոյի ավանդական սկզբունքների` յուրաքանչյուր ոք, ով որոշակի գումար կնվիրաբերի նախընտրական շտաբին, ավտոմատ կերպով կդառնա վիճակահանության մասնակից:
«Հաղթողի բոլոր ճանապարհային ծախսերը մենք վերցնում ենք մեզ վրա»,- նշվում է նամակում: