Ամերիկյան կինոդերասանուհի և օսկարակիր Սելեստա Հոլմն այսօր, կյանքի 96-րդ տարում կնքել է իր մահկանացուն: Այս մաին հաղորդել է նրա զարմուհին`Էմի Ֆիլիպսը, գրում է Itar Tass-ը:
Բրոդվեյի աստղը երկու շաբաթ առաջ հոսպիտալացվել էր ջրազրկման ախտորոշմամբ: Մանհեթնում իր հարևան հոլիվուդյան աստղ Ռոբերտ Դե Նիրոյի տանը բռնկված հրդեհից հետո նրան տեղափոխել էին Նյու Յորքի հիվանդանոցներցի մեկը: Ուրբաթ օրը Հոլմն ամուսնուն խնդրել էր իրեն տուն տանել, որտեղ ընտանիքի անդամների շրջապատում էլ դերասաուհին անցակցրել է իր կյանքի վերջին օրերը:
«Ես կարծում եմ, նա ուզում էր հենց այստեղ, իր տանը լինել, այն մարդկանց շրջապատում, ովքեր իրեն սիրում էին»,- պատմել է Ֆիլլիպսը:
Իր ավելի քան կեսդարյա կարիերայի ընթացում Սելեստա Հոլմը նկարահանվել է մոտ 90 ֆիլմում:
Հանդիսատեսը նրան ճանաչճում է All About Eve, High Society, Tom Sawyer ֆիլմերից; Սակայն նրան աշխարհահռչակ ճանաչում բերեց ռեժիսոր Էլիա Կազանի Gentleman’s Agreement ֆիլմը, որի համար նա արժանացավ «Օսկարի» և «Ոսկե գլոբուսի» որպես «Երկրորդ պլանի լավագույն դերասանուհի»:
Սելեստա Հոլմը ծնվել է 1917 թվականին Նյու Յորքում՝ նորվեգացի ապահովագրական գործակալի և ամերիկյան նկարչուհու ընտանիքում:
Նրա տաղանդը երկրպագում էին շատերը: 1979 թվականին Նորվեգիայի արքա Ուլաֆ 5-րդը, որն արտակագ գեղեցկություն ունեցող դերասանուհու երկրպագուն էր, նրան ասպետական տիտղոս շնորհեց, իսկ 1982 թվականի ԱՄՆ 40-րդ նախագահ Ռոնալդ Ռեյագնը նրան նշանակեց Արվեստի ազգային խորհրդի անդամ:
