Յուրաքանչյուր նոյեմբեր ամսին Նյու Յորքում ֆանտազիան դառնում է իրականություն, երբ աշխարհի ամենագեղեցիկ կանանցից մի քանիսը մասնակցում են Victoria’s Secret-ի նորաձևության ցուցադրությանը: 8 միլիոն ֆունտ ստեռլինգ արժողությամբ շոուն հեռարձակվում է ԱՄՆ-ում, ցուցադրվում է YouTube-ում ու դիտվում միլիոնավոր մարդկանց` հատկապես տղամարդկանց կողմից: Մինչ այժմ բրիտանացի կանայք հնարավորություն չեն ունեցել այդ ամենի մասնակիցը լինելու: Բայց այս աշնանը Victoria’s Secret-ի առաջին խանութ-սրահները կբացվեն Լոնդոնում:
The Daily mail-ը գրում է, որ բրենդի հաջողությունը բոլորին հայտնի է, մինչդեռ նրա ստեղծման ողբերգական պատմությունը հայտնի է ոչ բոլորին: Բրենդը ստեղծվել է Կալիֆոռնիայում ապրող երիտասարդ գործարար Ռոյ Ռեյմոնդի կողմից, ով ներշնչվել էր նրանից, որ չէր կարողացել հանգսիտ գնումներ կատարել իր կնոջ համար ներքնազգեստի խանութներից:
Ռեյմոնդն ու իր կինը իրենց առաջին խանութը բացել էին 1977 թվականին և նպատակ ունեին ստեղծել մի խանութ, որտեղ տղամարդիկ հանգիստ կզգան մտնելով ու գնումներ կատարելով իրենց կանանց համար: Ռեյմոնդի կինը ` Գայեն , այժմ 65 տարեկան է և աշխատում է Samuel Merritt համալսարանում:
Մինչ 1982 թվականը նրանք հինգ հաջողակ խանութ են ունեցել, բայց այնուհետև այդ ամենը 2.6 միլիոն ֆունտ ստեռլինգով վաճառել են միլիարդատեր Լեսլի Վեքսներին: Ռոյը ցակացել է միասին աշխատել, բայց այնուհետև հասկացել է, որ խնդիրներ շատ են առաջանում և ամբողջովին հեռացել է բիզնեսից:
Այնուհետև նա նոր գաղափարներ է հղացել, բայց դրանցից ոչ մեը հաջողությամբ չի պսակվել` նրան պարտքերի մեջ թողնելով: Ռոյն ու Գայեն ամուսնալուծվել են 1993 թվականին, իսկ այդ ժամանակ Victoria’s Secret-ը արդեն իսկ դարձել էր ԱՄՆ-ում ներքնազգեստ արտադրող ամենամեծ ընկերությունը:
Հաջողությունների չհասնելով՝ պարոն Ռեյմոնդը ինքնասպան էր եղել՝ կախվելով Սան Ֆրանցիսկոյի Golden Gate Bridge-ից 1993 թվականի օգոստոսին՝ 46 տարեկանում:
Բրենդը շատ է փոխվել ստեղծման օրվանից ի վեր: Ռեյմոնդի կինն ասում է, որ ինքը ցավում է, որ բրենդը այլևս չի ծառայում այն նպատակներին, որոնք դրել էին հիմնադիր ամուսինները: Սակայն Գայեն ավելացնում է, որ ուրախ է, քանի որ ընկերությունը մեծ հաջողության է հասնում կոմերցիոն տեսանկյունից:
