Ինչպես այսօր գրում է Al-Gumhuriya եգիպտական թերթը, երկրի նախկին նախագահ Հոսնի Մուբարաքը գտնվում է ոչ թե կոմայի մեջ, այլ «ծանր հոգեբանական վիճակում» և, չնայած հիվանդ է, չի ցանկանում բուժում անցնել: Թերթն այս լուրը հաղորդել է` հղում անելով նախկին նախագահին մոտ կանգնած աղբյուրին:
Թերթը նաև հիշեցնում է, որ 2010 թ. Մուբարաքը Գերմանիայում ենթարկվել էր լեղապարկի վիրահատության, և նախատեսվում է, որ 2011 թ. նա հերթական անգամ պետք է բուժզննում անցնի: Սակայն նա հիմա գտնվում է Շարմ Ալ-Շեյխի նախագահական նստավայրում և դեռ չի պատրաստվում մեկնել բուժման:
Հավանաբար, Մուբարաքը չի ցանկանում դրժել երդումը և լքել երկիրը, ինչի մասին մի քանի անգամ հայտարարել էր երկրում ծավալված անկարգությունների ժամանակ:
«Առաջին լրատվականն» այսօր տեղեկացրել էր, որ, արաբական մի շարք պարբերականների տեղեկություններով, Մուբարաքը գտնվում է կոմայի մեջ:
